Швајцарската економија ќе продолжи да расте во наредните месеци, но со малку побавно темпо во однос на првично проектираното.
Така, во иднина очекуваниот раст на бруто домашниот производ за оваа година изнесува 1,8 проценти, а за наредната година два проценти, објави центарот за економски истражување КОФ.
Оваа истражувачка компанија во март малку ја намали својата прогноза за економскиот раст на 2,0 и 2,1 проценти за 2014 и 2015 година, од 2,2 и 2,3 проценти кои ги прогнозираше во декември минатата година, пренесува швајцарскиот весник „24 часа“.
Според истата студија, извозот оваа година би требало да порасне за 4,0 проценти, додека прогнозите во март изнесуваа 4,3 проценти. Очекуваниот раст на инвестициите за 2014 година е 3,0 проценти наместо претходно предвидениот 3,9 проценти.
