Индустриското производство во Индија во април се зголеми, надминувајќи ги пазарните очекувања, што е уште еден позитивен знак за новиот премиер Нарендру Моди, кој вети дека ќе ја оживее економијата.
Во април индиското индустриско производство се зголеми за 3,4 проценти на годишно ниво, по падот од претходните два месеци, пред се благодарение на добрите резултати во производниот, рударскиот и енергетскиот сектор, покажаа официјалните податоци во Њу Делхи, пренесува агенцијата Франс прес.
Производната активност пораснала за 2,6 проценти, а производството на капитални добра за дури 15,7 проценти.
Моди дојде на власт минатиот месец, ветувајќи привлекување на инвеститори и реформи за индиската економија која бележи раст под пет проценти.