Словенечката полиција уапси девет лица под обвинение дека извршиле стопански криминал.
Во полициската акција извршен е претрес на 34 куќи и станови во Љубљана, Копер, Ново Место, Крањ и во Нова Горица, со цел да се најдат докази за злоупотреба на службената должност во сферата на економијата.
Во акцијата учествувале околу 140 полицајци и инспектори. Словенечките медиуми објавија дека се истражува продажбата на бањата Терма Чатеж, како и дека главен осомничен е Бојан Петан, кој меѓу другото е и член на Управниот одбор на весникот „Дневник“.
Меѓу осомничените е и Франци Заври, директор на најголемата словенечка компанија за маркетинг.
Истрагата е насочена и кон перење на пари. Полицијата изврши претрес и во банка, на чии сметки се префрлани лошите кредити од словенечките државни трговски банки.
