Швајцарскaта авиокомпанија „Swiss International Air Lines“ во мај оваа година превезла 1,39 милиони патници, што е пад од 0,3 проценти во однос на истиот месец во 2013 година.
Бројот на летови на оваа компанија, која ја контролира германската „Lufthansa“, исто така е намален, и тоа за 0,2 проценти, на 12,624, пренесува швајцарскиот весник „24 часа“.
На европските линии падот на бројот на летови изнесува 0,6 проценти (11,098), додека на меѓуконтиненталните линии остварен е раст од 2,5 проценти (1,526 летови) во однос на мај минатата година.
Стапката на пополнетост на капацитетите е намалена за 0,7 процентни поени, на 82,6 проценти, додека кај товарниот сообраќај е зголемена на 78,7 проценти од 75,4 проценти кои беа забележани во мај 2013 година.