Давид Маркус, кој во изминативе две години ја води подружницата на „eBay“ – „PayPal“, овој месец си заминува од компанијата за да може да го превземе одделението во „Facebook“ поврзано со управувањето на пораки.
Со овој потег, „Facebook“ сака да го зајакне своето работење поврзано со управување на пораки во кои агресивно влезе со превземањето на „WhatsApp“ за 19 милијарди долари.
Низ новата улога основана внатре во компанијата, „Vice President of Messaging Products“, Маркус ќе ги надгледува услугите за испраќање пораки внатре во друштвената мрежа и самостојните апликации за мобилните уреди.
Под водство на Маркус, „PayPal“ агресивно влезе во физичкиот свет, развивајќи мобилен паричник за купувачите и систем за наплата за продавачите. Моментално „PayPal“ има околу 148 милиони активни корисници.
