Глобалната продажба на американскиот ланец ресторани за брзa храна „McDonald’s“ порасна во мај за 0,9 проценти, благодарение на закрепнувањето на работењето во Кина.
Продажбата во Азија, на Блискиот Исток и Африка е зголемена за 2,5 проценти, пред се благодарение на успехот во Кина и другите азиски пазари, пренесува агенцијата АП.
Во Америка продажбата во рестораните, кои се отворени најмалку 14 месеци, е намалена за еден процент. „McDonald’s“ веќе долго време со соочува со зајакнувањето на конкуренцијата како што е „Burger King“, коj го модернизираше своето мени и го засили маркетингот.
Во Европа, најголемиот пазар на популарниот „McDonald’s“, продажбата е зголемена за 0,4 проценти, најголем дел благодарение на успешното работење во Британија и Франција.
