Јапонски „Nissan“ потврди дека овој месец ќе пласира на пазарот уште едно електрично возило.
Од компанијата покажаа дека се подготвени да издржат во намерата да развијат технологија и покрај тоа што растот на пазарот е значително побавен од оној кој е најавен како „електричен бум“.
Продажбата на новиот електричен „Nissan“, под ознаката „e-NV200“, во Европа ќе започне веќе во текот на јуни, а во Јапонија во октомври, прецизираше вториот поголемина јапонски производител на возила.
Станува збор за второто од вкупно четири електрични автомобили кое оваа групација има намера да го лансира до март 2017-та, истакнуваат во компанијата не наведувајќи ги продажните цели за моделот „e-NV200“.
Иако продажбата на моделот „Leaf“, лансиран во декември 2010-та прогресивно расте, за три години 70 проценти или 52.000 единици, во текот на последната фискална година, таа започна за забавува.
Според првичните прогнози, продажбата на електрични возила на алијансата „Renault-Nissan“ до март 2017-та би требало да достигне 1.5 милиони единици, што сега е под знак прашалник, затоа што потрошувачите се обесхрабрени од должината на автономијата на движење на овие возила и релативно малиот број на станици за полнење.
