Националниот авиопревозник „Бугарија Ер“ потпиша договор за соработка со авиокомпанијата од Дубаи – „Емирати“. Партнерство помеѓу „Бугарија Ер“ и еден од најважните авиопревозници, гарантира удобност и највисок квалитет на услуга при вршењето на интерконтинентални летови, соопштија од двете компании.
Авиокомпаниите ќе вршат заеднички летови до Њујорк и Дубаи, а договорените цени важат како за економска, така и за бизнис класата.
И двете дестинации ќе бидат извршени со еден трансфер. Летовите до Њујорк се со цени од 797 евра и се со трансфер во Милано, а за Дубаи пунктот за врска може да биде Виена, Атина, Ларнака, Милано, Рим, Амстердам или Франкфурт.
Двете авиокомпании се во процес на преговори и за други дестинации, кои ќе бидат додадени на заедничка соработка.
