Министерството за економија на Република Македонија и УНИДО денеска организираат работилница „Кластери во туризмот, продуктивни индустрии и регионален развој“, како дел од проектот „Промовирање на одржливи врски и развој на кластери во македонската туристичка индустрија”.
Целта на оваа работилница е да се споделат искуства од две успешни студии на случај, од Словенија и Италија, и да се истражи потенцијалот за нивна реализација во регионот на Охридското Езеро и Тиквешкиот регион.
Воведно обраќање и претставување на проектот ќе имаат Анче Трифунов, државен секретар во Министерството за економија и Аднан Шариќ, менаџер на проектот.
