Главниот град на Австрија минатата година го зголеми своето задолжување со земање на нов кредит од 285 милиони евра, со што вкупниот долг на Виена порасна на рекордни 4,63 милијарди евра.
Министерката за финансии во владата на Виена Ренате Браунер изјави дека понатамошни задолжување од 2016 година нема да бидат можни, укажувајќи на „кочницата за задолжување“, која е воведена на европско ниво.
Реформите во администрацијата, кои се во тек, треба да помогнат да се достигне таа цел, додаде таа.
Според финансискиот извештај за 2013 година трошоците минатата година изнесувале 12,47 милијарди евра, како што се вели во финансискиот извештај за 2013 година, а Браунер вели дека инвестициите во градот се зголемени за само 4 проценти на 1,79 милијарди евра.
Заедно со сопствените инвестиции на градските претпријатија Виена вкупно инвестирала 2,72 милијарди евра минатата година.
Што се однесува на градските службеници, според извештајот, минатата година, на полно работно време, биле вработени 56,720 лица, што е намалување за 100 работни места.
