Во шестото извлекување од наградната игра „Фискална во рака – награда без мака“, кое се одржа на 27-ми овој месец, беа извлечени 150 вредносни ваучери, а главната награда беше автомобил „фолксваген поло“ кој се падна во Штип.
Како што информираат од Државната лотарија на Македонија, неизвлечените коверти од ова извлекување, како и ковертите од второто, третото, четвртото и петтото извлекување, кои се чуваат од страна на приредувачот Државна лотарија на Македонија, ќе учествуваат во 7. извлекување кога покрај редовните награди ќе се извлекува и стан и деловен простор, а ќе се одржи на 30 јуни.