Украина доби кредит од Светска банка во висина од 750 милиони долари, соопшти украинското министерство за финансии.
Средствата ќе бидат искористени за спроведување на стратешки институционални реформи, со цел надминување на кризата и стабилизација на финансиската и економската ситуација во земјата и поставување на темел за одржлив и балансиран раст на Украина, се наведува во соопштението на министерството.
Украинската влада претходно соопшти дека првиот заем од 750 милиони евра ќе биде насочен кон поддршка за буџетот, пренесува Итар тас.
Исто така, локалните термо-енергетски компании во десет градови ќе добијат 382 милиони долари во рамките на проектот за зголемување на енергетската ефикасност. За развој на градската инфраструктура ќе бидат издвоени 350 милиони долари за десет водоводи и комунални претпријатија за одложување на цврстиот отпад.
