Португалската ѕвезда Кристијано Роналдо има најголема маркетиншка вредност во светот на фудбалот, објави меѓународната компанија за истражување на пазарот „Репуком“.
Зад фудбалерот на Реал, односно на втората позиција е неговиот „лут„ ривал од Барселона Лионел Меси, додека на третата позиција рангиран е неговиот клупски соиграч Жерард Пике.
Истражувањето е направено на примерок од 1.5 милијарди луѓе, а беше спроведено во САД, Велика Британија, Франција, Германија, Кина, Индија, Шпанија, Русија, Италија, Мексико, Бразил и Аргентина.
Освојувачот на „Златната топка„ односно признанието најдобар светски фудбалер во 2013 година Роналдо, прогласен е и за најпрепознатлив фудбалер на планетата со дури 83,9 отсто од луѓето кои знаат за него.