Шефот на делегацијата на Европскиот парламент Гоеран Ферм ја најави вчера подготвеноста на Европската унија да потпише договор за слободна трговија со Украина и да ги продолжи договорите за безвизниот режим.
„Европската унија е подготвена да и пружи помош на Украина, како надворешно-политички, така и финансиски. Ние исто така, сме подготвени да потпишеме договор за слободна трговија и да ги завршиме преговорите за безвизниот режим, изјави Ферм на конференцијата за новинари во Киев.
Итар тас потесетува дека Европската комисија донела одлука привремено до 1 ноември 2014 година да ги намали царинските давачки за украинската стока испорачана во земјите на ЕУ. Според зборовите на потпретседателот на ЕК, Жозе Мануел Барозо, Киев, благодарение на тоа, ќе може да оствари економски придобивки од околу 500 милиони евра.
Одлуката за намалување на царинските давачки за украинската стока, ЕК ја донесе во рамките на пакетот помош од ЕУ за Украина, кој комисијата го одобри на 5-ти март.