Компаниите „Visa“ и „MasterCard“ остануваат да работат во Русија, соопштија денес нивните претставници.
Како што пренесува Итар тас, заменик премиерот на Русија Игор Шувалов и министерот за финансии Антон Силуанов започнаа со преговорите со претставниците на „Visa“ и „MasterCard“.
Според изворот, руската страна е подготвена да го прифати моделот на соработка кој се применува во Турција и Белорусија.
Генералниот директор на компанијата „Uniteller“ (провајдер на „Visa“ и „MasterCard“ во Русија) Алексеј Богатинов изјави дека руската страна му дава предност на турскиот модел.
Во Турција сите внатрешни трансакции на почетокот поминуваа низ едноставна обработка, а подоцна беа приклучени „Visa“ и „MasterCard“ за меѓународните трансакции, објасни Богатинов.
Американските компании за кредитните картички „Visa“ и „MasterCard“ во март ги прекинаа своите услуги за клиентите на повеќе руски банки по објавата на Вашингтон дека ќе бидат воведени санкции кон Русија поради спојувањето со Крим.
