Во одржаното 41. коло за оваа година од играта на среќа НовоЛото 7/34 постигната е четвртата добивка 6+1 која на среќниот играч му донесе добивка од 437.583 денари.
Ливчето со добитните броеви е уплатено во продажното место на Државна лотарија на Македонија, обележано со Среќно место – Толлакс на плоштад Македонија во Скопје.
Играчот одиграл 3 кобинации ( секоја по 15 денари) и уплатил еден џокер ( 20,00 денари). Првата остварена добивка 6+1 беше во јануари со добивка 405.966 денари, втората во февруари со добивка 475.412,00, а третата во април со добивка 509.725.
Извлекувањата на добитните броеви од играта на среќа НовоЛото 7/34 се реализираат секоја среда и сабота на ТВ Сител од 20:00 часот.
Играта НовоЛото 7/34 како и другите игри на среќа на Државна лотарија на Македонија е достапна на над 200 уплатно-исплатни места обележани со знакот Среќно место.