Турски инвеститор е заинтересиран во Неготино да отвори фабрика за производство на сапун, a потоа и за производство на машини кои би биле во функција на целиот проект.
Како што се наведува во информацијата на официјалната веб-страница на општина Неготино за таа цел денеска сопственикот на фабриката „КМС“ од Турција Хусеин Кучук оствари работна средба со градоначалникот на општина Неготино Ванчо Апостолов.
– На средбата тој го информираше градоначалникот дека неговата фирма има фабрики за производство на сапуни во вкупно 17 држави во светот, а сега сака ваква фабрика да отвори и во Неготино-стои во информацијата, се вели во информацијата.
Кучук истакнал дека машините во Ајдин се подготвени за транспорт во Македонија и веднаш по наоѓањето на соодветна локација за отворање на фабриката, таа би започнала со производство.
– Градоначалникот го запозна гостинот дека во градот има 2-3 постоечки празни капацитети кои инвеститорот би можел да ги искористи за старт на производството, а му ја презентираше и можноста за купување градежни парцели во Индустриската зона Неготино кај Црвени Брегови.
Двајцата соговорници се согласија дека Неготино има одлична местоположба, транспортна поврзаност со Балканот и Европа и токму затоа турскиот бизнисмен се одлучил да инвестира во отворање фабрика за производство на сапун во Неготино, се посочува во информацијата од општина Неготино.
