Поранешниот италијански премиер Силвио Берлускони предупреди дека еврото може да исчезне, ако не се пристапи кон радикални реформи на Европската унија.
„Потребни ни се радикални промени или економската ситуација ќе не принуди и нас, како и другите европски земји, да го напуштиме еврото и да се вратиме на националните валути“, изјави Берлускони во интервјуто за Би-Би-Си.
Според него, неурамнотежената економска политика на ЕУ се заканува на опстанокот на еврозоната.
Тој изјави дека ЕУ е далеку од тоа да стане „Обединети Европски Држави“ бидејки Унијата има неурамнотежени економски и даночни политики и нема никаква надворешна политика.
