Литванците не го сакаат еврото, покажа најновата анкета на граѓаните, меѓу кои 56 проценти се изјасниле за националната валута.
Литванците во 2007 година бараа да влезат во еврозоната, но Брисел ги врати назад од половина пат и потоа тие се бореа со инфлацијата од 17 проценти, пренесува агенцијата АФП.
Литванците сега во голем дел не го сакаат еврото, но на еврозоната и е потребна Литванија. Литванците се плашат дека со влезот во еврозоната ќе мораат да плаќаат туѓи долгови, бидејќи тоа, како што велат, станало правило во ЕУ.
Сепак, властите во Вилнус веќе го усвоија законот за преминување на еврото. Овој случај наликува на летонскиот случај, каде само 40 проценти го сакаа еврото, а повеќето граѓани беа против, но властите таму направија по своја волја.
