Нивото на лоши кредити во кинеските банки драстично се зголеми во првите три месеци од 2014 година, а аналитичарите тврдат дека тие се на највисокото ниво во последните три години.
Обемот на ненаплатливите кредити во кинеските банки на крајот на март изнесуваше 646,1 милијарди јуани (103,6 милијарди долари), што е за 54,1 милијарди јуани повеќе во однос на почетокот на годината, се наведува во соопштението на Кинеската банкарска регулаторна комисија (CBRC), пренесува агенцијата Франс прес.
Ненаплатливите кредити изнесуваат 1,04 проценти од целокупното кредитирање, што е за 0,04 процентни поени повеќе во однос на почетокот на јануари, се додава во соопштението на CBRC, во кое додаваат дека до пораст на лошите кредити дошло поради малите претпријатија и некои индустриски гранки.
