Кинеските власти го обвинија директорот на фармацевтската компанија „GlaxoSmithKline-GSK“, Британецот Марк Рејли, дека на вработените им наредил да го поткупуваат персоналот во болниците поради користење на нивните производи.
Полицијата наведува дека преку тоа е овозможено остварување на „нелегални приходи“ од повеќе милијарди јуани.
Властите се сомневаат дека Рејли и неговите двајца колеги ги подмитувале и функционерите во Пекинг и Шангај.
Официјалните лица изјавија дека полицијата ја завршила истрагата и дека случајот е префрлен до обвинителството.
Кинеските власти соопштија дека во јули минатата година покренале истрага против „GSK“, по што се уапсени четири официјални лица од оваа компанија.