Бруто домашниот производ на Црна Гора, според проценките на Централната банка (ЦБЦГ), оваа година ќе се зголеми од 3,2 на 3,8 проценти, додека инфлацијата ќе биде од минус 0,5 до три проценти.
Прогнозите за раст на црногорската економија, ЦБЦГ ги направи според моделска и потрошувачка метода, пренесува АФП.
Според моделската проекција, растот на БДП ќе изнесува од 3,2 до 3,8 порценти, а според потрошувачката метода 3,5 проценти, се наведува во извештајот на ЦБЦГ.
Од банката веруваат дека растот на БДП во оваа година најмногу ќе зависи од приливот на странски капитал, понудите на кредити, ситуацијата во индустријата и динамиката на реализација на најавените инвестициски проекти.
