Сушата што годинава ги погоди повеќето земји на југоисточна Азија, се заканува драстично да го намали и производството на палминото масло, суровина која во светот широко се користи во прехранбената индустрија, козметиката, индустријата и медицината.
Се работи за можно намалување на производството од 70 на помалку од 40 милиони тони на овој производ, од кој Индонезија остварува извоз од седум милијарди, а Малезија од четири милијарди долари годишно.
Палминото масло, кое вон Индонезија, Малезија и Тајланд се произведува само во Еквадор и Конго, е најдоходовен производ во секторот на индустријата за масло и е неговото производство е двојно поевтино од она на масло од соја и петпати поевтино од производството на масло од сончоглед.
По најавите за намалување на приходите од југоисточна Азија, за да се ублажат последиците од рапиден скок на цените на маслата на светскиот пазар, во САД се подготвува значајно зголемување на површините за производство на масло од соја.
