Берзанските индекси на Wall Street пораснаа поради скокот на технолошкиот и биотехнолошкиот сектор, иако и понатаму е присутна загриженоста околу тензиите во Украина.
Dow Jones порасна за 0.68%, S&P 500 индексот се искачи за 0.97%, додека Nasdaq беше повисок за 1.77%.
Акциите во технолошкиот и биотехнолошкиот сектор се опоравија, што доведе до скок на берзанските индекси.
На растот на акциите немаа влијание состојбите во Украина, ниту пак стравот дека заздравувањети на САД би можело да биде загрозено доколку кризата во Украина ескалира, бидејќи многу американски компании во голема мера се зависни од Европа.
Во неделата проруските бунтовници во источна Украина прогласија победа на референдумот, додека Киев и западот сметаат дека гласањето било нелегитимно и со многу неправилности.
Цените на азиските берзи во главно се зголемија, по силниот скок на Wall Street, иако инвеститорите не се задоволни со слабиот раст на кинеското индустриско производство.
Јапонскиот Nikkei 225 скокна за 1.95%, Hang Seng индексот од Хонг Конг порасна за 0.4%, а австралискиот ASX/200 се искачи за 0.91%.
Индустриското производство во Кина порасна по годишната стапка од 8.7% во април, додека се очекуваше негово зголемување од 8.9%.
Малопродажбата во Кина се намали во април на 11.9%, од 12.2% во предходниот месец. Економистите очекуваа дека таа ќе остане непроменета.
Европските акции пораснаа поради шпекулацијата дека Европската Централна Банка ќе спроведе дополнителни мерки за олеснување.
Euro Stoxx 50 се зголеми за 0.34%, францускиот CAC 40 порасна за 0.23%, лондонски FTSE 100 зајакна за 0.31%, а германскиот DAX 30 се искачи за 0.73%.
Извор: Адмирал Маркетс
