Питер Бреитер (41) е единствениот работник, кој во најмалата банка во светот ги врши трансакциите за 500 жители на малото германско село Гамешфелд.
„Raiffeisen Gammesfeld eG“ банката во јужниот дел на Германија е една од најмалите 10 банки во таа земја, сметајќи според депозитите, и единствена банка во светот во која има само еден вработен.
Малите банки како оваа не се ретки во малите заедници во Германија, овие банки нудат ограничени кредити за локалното население.
Бреитер вели дека негавата работа е многу забавна. Тој ги знае неговите клиенти по име и редовно им нуди совети од финансиска природа. „Луѓето би рекле дека оваа работа е досадна, но тоа не е случај со мене“, изјави тој.
Бреитер додаде дека економската криза направила банкарската работа преку ноќ да стане интересна, тој горделиво истакнува дека во неговата банка доаѓаат клиенти од целата земја.
