Најголемиот светски производител на автомобили „Тојота“ во минатата година оствари рекорден нето профит од 17.9 милијарди долари.
Меѓутоа, компанијата се соочува со масовен отповик на возила и проблеми во Индија, па поради тоа растот на профитот во оваа година би можел да забави.
Сепак, добрите резултати укажуваат на подобрување, не само за „Тојота“ туку и за конкурентските компании вклучувајќи ги „Нисан“ и „Хонда“, кои во 2013-та го зголемија нето профитот за 56.4 проценти.
„Toјота“ во финансиската година заклучно со март оствари профит од 17.9 милијарди долари, што е скоро двојно повеќе во однос на претходната година, додека приходите порасна за 16.4 проценти.
„Нашата заработка порасна благодарејќи на зголемената продажбата во Јапонија и Северна Америка, како и со кратењето на трошоците во целата групација“, вели претседателот Акио Тојода.
Јапонската компанија ја задржа лидерската позиција како најголем светски производител на возила со 9.98 милиони продадени автомобили, пред германски „Фолксваген“ и американски „Џенерал Моторс“, а во календарската 2014-та тие очекуваат да продадат 10 милиони автомобили.