Трговскиот дефицит на САД во март е намален, благодарение на скокот на извозот на второто најголемо ниво досега, соопшти американското Министерство за трговија.
Трговскиот дефицит на САД е намален на 40,4 милијарди долари, што е за 3,6 проценти помалку во однос на февруарскиот дефицит од 41,9 милијарди долари, пренесува агенцијата АП.
Американскиот извоз во март порасна за 2,1 проценти на 193,9 милијарди долари, додека извозот во Канада и Јужна Кореја достигна историски максимум. Увозот, исто така, се зголеми, но со побавно темпо од 1,1 проценти на 234,3 милијарди долари, и покрај зголемениот увоз на мобилни телефони, облека и друга стока од широка потрошувачка.
Понискиот трговски дефицит ќе поттикне економски раст, бидејќи тоа значи дека американските компании заработуваат повеќе од нивната продажба во странство.
