Германскиот хемиски и фармацевтски гигант „Bayer“, производител на лекот „Aspirin“, вчера соопшти дека ќе го купи секторот за здравје на потрошувачите од американската фармацевтска компанија „Merck“ за 14,2 милијарди долари.
Германската групација наведува дека аквизацијата претставува голема пресвртница на нејзиниот пат да стане глобален лидер во атрактивната област на лековите кои се издаваат без лекарски рецепт, пренесува агенцијата Франс прес.
„Bayer“ соопшти дека со ова купување ќе стане лидер во Северна и Латинска Америка кога станува збор за малопродажните производи за кои не е потребен рецепт.
