Премиерот на Шпанија Маријано Рахој со оптимизам денес ги коментираше новите податоци кои покажаа дека невработеноста во април во оваа земја е намалена.
Бројот на регистрираните невработени лица во Шпанија е намален за 111.565 на 4,69 милиони лица минатиот месец во однос на март, наведува Министерството за труд во Мадрид, пренесува агенцијата Франс прес.
Тоа беше најголемиот пад во месец април, од кога постои евиденцијата за невработеноста во Шпанија, наведува Министерството.
„Оптимистичен сум во врска со иднината бидејќи верувам дека го прекинавме трендот на пад на вработеноста и веќе се движиме во позитивна насока“, наведува Рахој.
Според сезонски прилагодените податоци, бројот на невработени во април е намален за 50,202 лица.
