Сте го напишале вашето CV и задоволни сте со успешно завршената задача.
Сепак, не сте потполно сигурни каков впечаток тоа ќе му остави на работодавецот и сакате да бидeте сигурни дали добро сте ја завршиле работата.
Прашања за проверка на формата:
– Дали должината на вашето CV е до 2 страници, за да не го заморува читателот со неговата должина?
– Дали користевте помалку од 3 различни видови на фонт, за да не биде премногу „шарена“ и непрегледна?
– Дали користевте просечна големина на фонтот која не е и ниту премала ниту преголема за читање (од 10 до 12)?
– Дали користевте помалку од 2 бои на фонтот, со цел таа да не биде шарена?
– Ако CV-то е на 2 страни, дали првата ги истакнува најважните информации за работата за која конкурирате?
Прашања за проверка на содржината:
– Дали наведовте точни контакт податоци (телефон и e-mail), за да може работодавецот да ве контактира или извести за резултатите?
– Дали вашето образование и работно искуство ги наведовте хронолошки (со наведување на временскиот период), почнувајќи од последното, за вашиот потенцијален работодавец да има увид во вашиот професионален развој?
– Дали вашите вештини ги наведовте по важност, нагласувајќи ги оние кои можат да ви осигураат работа, со цел да го заинтересирате работодавецот?
– Дали ги наведовте сите вештини и искуство кои ги поседувате, а кои можат да бидат значајни, со цел да ги зголемите вашите шанси за влагување во вториот круг на селекцијата?
– Ако доставивте фотографија, дали е таа професионална и сериозна (без фотографии од свадба, фотографии на кои се гледа дека некој друг е отсечен, фотографии на кои сте намуртени, несоодветно облечени и слично)?
Кога одговарате на прашањата внимавајте на оние на кои сте дале негативен одговор бидејќи тоа се аспектите во вашата биографија каде можете да се подобрите.
