Меѓународните кредитори се вратија на Кипар за да проверат дали државата се придржува до условите за добивање на финансиска помош од десет милијарди евра.
Официјалните претставници на ЕУ и Меѓународниот фонд денес започнаа со разговорите со кипарските власти. Во текот на претходните три мисии беше утврдено дека програмата се спроведува во согласност со договорот.
Клучните области на кои се фокусираа кредиторите се здравјето на банките, кои се оптеретени со голема количина на лоши кредити, како и на напредокот во спроведувањето на структурните реформи, пренесува агенцијата АП.
Условите за исплата на финансиска помош најтешко ги погодија кипарските банки, бидејќи со програмата за надоместок на загубата делумно беа опфатени и депозитите во двете најголеми банки.
Владата поради тоа воведе стриктна контрола на протокот на капитал во банкарскиот сектор, а повеќето од тие ограничувања во меѓувреме се укинати.
