Додека „BMW“ во своја сопственост го има „Rolls-Royce“, a „Volkswagen“ – „Bentley“, „Mercedes“ по згаснувањето на марката „Maybach“ остана без соодветен конкурент во сегментот на супер-луксузни лимузини.
Германскиот производител има во план тој недостаток во својата гама да го надомести со воведување на нови продолжени верзии на „S Сlasѕ“. Во подготовка е модел кој ќе биде за околу 20 cm подолг од „Mercedes S Сlasѕ“ со продолжено меѓуосовинско растојение, а се очекува продолжената лимузина да биде наследник на моделот „600 Pullman“.
Сепак, многумина и натаму сметаат дека „Mercedes“ треба да има посебна класа во рангот на „Maybach“, со која ќе се нагласи разликата во однос на моделите на „S Сlasѕ“.
Mеѓу нив е и студентот од калифорнискиот колеџ за дизајн, Скот Ву Кајзер, кој ја измисли новата „U Сlasѕ“. Според неговите зборови, буквата „U“ во името потекнува од германскиот збор „üppig“, кој означува раскош и луксуз.
„„Mercedes“ ќе мора да ја засили својата позиција во најлуксузниот автомобилски сегмент. „S Сlasѕ“ со успех се спротивставува на моделите како што се „Audi A8“ или „BMW Serieѕ 7“, но недостасува автомобил за најпребирливите клиенти на пазарот“, објаснува тој.
„Поради тоа смислив целосно нов модел, „U Сlasѕ“, кој би бил долг 5.390 mm, додека меѓуосовинското растојание би изнесувало 3.175 mm“, додава Кајзер.
Автомобилот преставува негова визија на супер-лукузен „Mercedes“ кој би бил подолг од моментално најдолгата „S сlasѕ“, a според димензитите ќе се најде меѓу конкурентските модели „Bentley Flying Spur“ и „Rolls-Royce Ghost“.
Kајзер смета дека „Mercedes U Сlasѕ“ би требало да има 6.0 литарски „twin-turbo V12“ мотор, а снагата стандардно би се пренесувала на задните тркала на автомобилот.
