Автомобил Пежо 208, 30 вредносни ваучери од 3.000 до 60.000 денари и 120 вредносни ваучери за прехранбени производи во вредност од по 1.000 денари беа ивлечени во синоќешното 5. ивлекување на наградната игра „Фискална во рака-награда без мака“.
Официјалните резултути од извлекувањето, комплетниот список на добитници ќе биде објавен во дневниот весник Вечер во изданието од среда 30.04.14, потоа на страната www.tvkoha.tv, како и на официјалната страна на Државна лотарија на Македонија www.loto.mk.
Во извлекувањето за ова 5. по ред коло, учествуваа сите испратени коверти со сметки кои се валидни од најран датум 15 ноември 2013 година. Неизвлечените коверти од ова коло како и од второто, третото, четвртото, а понатаму и од шестото, се чуваат од страна на Државна лотарија на Македонија како организатор на наградната игра и ќе учествуваат во 7. коло за извлекување на стан и деловен простор.
