Друштвената мрежа „Facebook“ соопшти дека ја превзема „Moves“ – популарната апликација за мобилни уреди, наменета да организира фитнес вежби или едноставно да ги брои чекорите кои човек ги прави во урбана средина.
Facebook ја купи апликацијата Moves
Коментарите за веста се дека ова е само уште еден чекор кон совладување на популарни програми или платформи и апликации како „WhatsApp“ или „Instagram“, кои продолжуваат да постојат независно, но во орбитата на „Facebook“.
„Moves“ се појави на почетокот на минатата година како апликација за смартфонот на „Apple“, а потоа и за уредите со оперативниот систем „Android“. Во изминатата една година апликацијата е превземена од корисниците над 4 милиони пати.
Сега дел од нејзините творци ќе почнат да работат за екипата на „Facebook“ во Менло Парк , Калифорнија.
Годината започнува со амбициозни превземања од „Facebook“,досега компанијата плати 19 милијарди долари за „WhatsApp“ и 2 милијарди долари за „Oculus“ (креатори на уреди за виртуелна реалност).