Шведскиот производител на опрема за телекомуникациски мрежи, „Ериксон“, во првиот квартал од оваа година оствари помал профит од очекуваниот. Но, бруто маржата била поголема од онаа која во просек ја предвидувале финансиските експерти.
Оваа шведска компанија во периодот јануари-март забележа оперативен профит (EBIT) во вредност од 2.6 милијарди шведски круни (286 милиони евра), додека консензусот на аналитичарите изнесуваше 3.5 милијарди круни.
Во исто време, приходите од продажбата изнесувале 47.5 милијарди круни, додека експертите предвидувале 51.8 милијарди.
Меѓутоа, во истиот квартал, овој шведски гигант забележа подобра бруто маржа од очекуваната или 36.5 проценти, наместо 34 проценти.
