Рускиот парламент одлучи на Северна Кореја да и го отпише долгот уште од советскиот период, во износ од речиси 10 милијарди американски долари, пренесува агенцијата Франс прес.
Долгот ќе биде отпишан во рамките на договорот на двете држави, чија цел е изградбата на гасовод кон Јужна Кореја кој ќе поминува низ Северна Кореја.
Русија отпиша долгови на бројни сиромашни земји сојузници од периодот на СССР, вклучувајќи ја и Куба.
Вкупниот долг на Северна Кореја изнесувал 10,96 милијарди долари. Дел од долгот кој не е отпишан, во износ од 1,09 милијарди долари ќе мора да биде исплатен на шест рати во наредните 20 години.
