Џорџо Армани го среди даночниот спор со италијанските власти, плаќајќи 270 милиони евра даноци, објави бизнис весникот „Ил Соле 24“.
Исплатите се поврзани со трите странски подружници-филијали на компанијата „мајка“, која целосно му припаѓа на кралот на модата, тврди весникот.
Периодот го опфаќа времето од 2002-ра до 2009-та година, кога компанијата ја промени стратегијата и ги врати во Италија подружниците кои се наоѓаа во странство.
Весникот тврди дека државата нема повеќе претензии кон Армани чии даночни обврски пораснале од 28.5 % во 2010-та до 44.8 % во 2012-та година.
Џорџо Армани ја основа компанијата во 1974-та година, а списанието „Форбс“ тврди дека годишниот обрт во 2013-та година бил 1,6 милијарди долари. Тие проценуваат дека богатството на 79-годишниот Армани е 8,5 милијарди долари.
