Францускиот производител на гуми „Мишелин“ лани го зголеми својот профит за 7,5 отсто, наспроти проблемите на пазарот за автомобили во Европа, соопшти компанијата, нагласувајќи дека и оваа година очекува исто успешна продажба.
„Мишелин“ наведува дека добри резултати остварил поради растот на продажбата на пазарите во развој и високите маржи на некои посебни видови пневматици.
Компанијата во 2012 остварила приходи од 21,47 милијарди евра, што е за 5,8 отсто повеќе во однос на 20,72-те милијарди од 2011, но и нешто под очекувањата на аналитичарите од 21,62 милијарди.