Минималната потрошувачка кошница во Црна Гора во март изнесуваше 792,4 евра, што е за 0,2 проценти повеќе отколку во февруари, соопшти Монстат, Заводот за статистика.
Вкупната вредност на минималната потрошувачка кошница во март во однос на истиот период минатата година е намалена за 1,2 проценти, додека во однос на декември е намалена за 0,7 проценти.
Од вкупната вредност на минималната потрошувачка кошница во март за храна и безалкохолни пијалоци се трошеле 249,2 евра, а на непрехрамбени производи и услуги 348,2 евра
Вредноста на минималната потрошувачка кошница за храна и пијалоци во март во однос на февруари е зголемена за 0,4 проценти. Вредноста на минималната потрошувачка кошница за непрехрамбени производи и услуги во однос на февруари исто така незначително се зголемила.
Просечната плата во Црна Гора изнесува 479 евра, а просечната пензија 278 евра.
