Куба го објави текстот од новиот закон кој таа земја треба да ја направи поатрактивна за странски инвестиции и да и го обезбеди исклучително потребниот странски капитал.
Мерките предвидени со закон вклучуваат даночни олеснувања и гаранции за имотот за странските инвеститори. Во нив се дефинирани и арбитражните процедури и работното законодавство поврзано со проектите финансирани од странство.
Законот минатиот месец беше усвоен од кубанскиот парламент и тогаш на јавноста и беа претставени основните начела, а денес тој официјално е објавен и во Службен весник.
Законот ќе стапи на сила на крајот на јуни.
