Инфлацијата во Австрија во март оваа година изнесуваше 1,6 проценти, соопшти Статистичкиот завод на Австрија.
Во февруари инфлацијата изнесуваше 1,5 проценти, а на нејзиниот раст во март влијаеше поскапувањето на намирниците и безалкохолните пијалоци.
За зголемување на инфлацијата придонесе и зголемувањето на даночните стапки на осигурувањето на автомобили во согласност со кубикажата на возилата.
Растот на цените на намирниците и трошоците за живот се „одговорни“ за две петтини од инфлацијата, бидејќи намирниците и безалкохолните пијалоци во просек поскапеле за 2,4 проценти. Истовремено, поголемиот скок на инфлацијата го спречија поевтините парчиња на облека, како и горивото.
Микро-потрошувачката корпа, која го вклучува дневното купување, поскапе за околу 3,9 проценти. Поскапувањата, според европскиот хармонизиран индекс на потрошувачки цени, во март изнесувале 1,6 проценти, по февруарските 1,5 проценти.
