Словачка во март остана во дефлација, бидејќи потрошувачките цени на годишно ниво се намалиле за 0,1 проценти, исто како и во февруари, објави словачкиот Завод за статистика.
Во споредба со претходниот месец, цените на стоката и услугите во март не се променети, додека во февруари, во однос на март се намалени за 0,1 проценти.
Темпото на инфлацијата во земјата забавува веќе подолго време, а на почетокот на оваа година годишната стапка на инфлација стагнираше. На ваквиот развој влијаеше стагнацијата на цените на енергија и забавувањето на поскапувањето на храната.
Цените на стоката и услугите во Словачка во повеќе следени категории во март, исто како и во февруари се поскапени, но тој раст сепак беше неутрализиран од останатите сектори, како што е домувањето кое поевтини за 1,1 проценти.
Словачката централна банка во последната прогноза ја намали проценката за овогодишната инфлација на 0,2 проценти, од претходните 0,6 проценти.
