Франција ќе го одржи ветувањето дадено во Брисел во поглед на намалување на буџетскиот дефицит на 3 проценти од БДП до крајот на 2015 година, потврди премиерот на Франција Мануел Валс.
„Никој не може да фрли сомнеж врз кредибилитетот на Франција“, изјави Валс, пренесува агенцијата АФП.
Буџетскиот дефицит на Франција минатата година достигна 4,3 проценти од БДП наместо предвидените 4,1 проценти.
Претходната влада на Жан Марк Еро предвиде намалување на дефицитот на 3,6 проценти до крајот на 2014 година, и 2,8 проценти во 2015 година.