„Universal Studios Hollywood“ најави отворање на новиот „Fast and Furious“ тематски парк во 2015-та година. Атракцијата ќе биде дел од огромната инвестиција вредна 1.6 милијарди долари, а ќе се изгради во нова сала од 4.600 квадратни метри во која ќе има сместено екран долг 120 метри и свиткан во 360 степени.
Паркот ќе се вика „Supercharged“, a ќе ја раскажува оргиналната „F&F“ приказна исполнета со хипер реалистични ефекти и врвни 3D-HD слики на најголемиот екран на светот. Програмата за проширување на легендарните студија вклучува и атракција „Transformers: The Ride-3D“ и „Despicable Me Minion Mayhem” кои веќе сега започнуваат со работа, а во 2016-та година ќе се отвори и „Wizarding World of Harry Potter”.
Инаку, седмото продолжение на франшизата „Fast&Furious“ ќе започне да се прикажува во киносалите ширум светот од 10-ти април 2015-та година. Филмот требаше да биде готов ова лето, но поради трагичната смрт на Пол Вокер, премиерата е одложена за следната година.
