Монотонијата со која беше завладеала на пазарите на пари најверојатно е разбиена. Гувернерот на ЕЦБ господинот М.Драги во саботата даде изјава. Имено гувернерот изјави дека е прилично загрижен заради зајакнувањето на евро валутата во однос на другите валути. Можеби во некои други околности тоа не би претставувало проблем, но во услови на борба против претерано ниската инфлација од 0.4% тоа е секако сериозен проблем. А доколку таквиот развој на настаните продолжи ЕЦБ ќе биде приморана да користи неконвенционални методи за зголемување на ликвидноста. Ова преведено на јазикот на обичниот човек значи дека гувернерот е спремен да со разни интервенции дирекно или индирекно да влијае на намалување на вредноста на еврото како би ја стимулирал економијата и би предизвикал позитивно влијание на истата која доколку еврото е преценето постои ризик повторно да почне да се гуши. Ова беше речено во услови кога вредноста на еврото во однос на американскиот долар достигна 1.39 и нешто малку под тоа ниво во петокот и затвори. Логичен заклучок е дека 1.39 е перцепција за горна граница од страна на монетарните власти во Европа.
Во нашите претходни анализи често пишувавме и за притисоците кои ЕЦБ ги трпеше од страна на земјите погодени од економската криза за недоволно попустливата политика која ја водеше. Во последните два наврати во своето официјално обраќање при објавата на каматната стапка мошне вешто и успешно балансираше во задоволувањето на интересите на сите земји членки на еврозоната. Но и ненамалувањето на каматната стапка мораше да го правда со претпоставки и уверувања дека еврозоната е излезена од криза и дека се движи во добра насока заштитувајки ги на тој начин поразвиените членки на еврозоната. Но едно се зборови а друго се факти. А фактите сеуште се поразителни. БНП близу 0, невработеност 12% и инфлација од 0.5%. Позразителни показатели, но ако земеме предвид дека состојбите со показателите беа дури и полоши до неодамно некои видоа малку светлина на крајот од тунелот во овие бројки. БНП иако низок сепак е во нагорна линија. Невработеноста се намали за минорни 0.1% од 12% на 11.9% но она што загрижува е инфлацијата. Таа е сега камен кој повторно ја влече економијата надолу и потребно е дополнително олеснување. Многу веројатно е да видиме или намалување на каматната стапка следниот месец или дополнително интервентно олеснување. Една од овие две опции е многу веројатно дека ќе биде направена. Поготово втората (преку дополнителен откуп на обврзници). Единствено е малку веројатно дека гувернерот би се дрзнал да влегува во дирекна интервенција на пазарот на пари како што тоа пред извесно време го сторија инцидентно и неконтролирано Јапонија односно Швајцарија која го брани курсот на франкот во однос на еврото (заради поврзаноста на економијата) со директни систематски интервенци на пазарот на пари према потребата.
Независно од сето ова денес (недела) дојде до сериозно влошување на состојбата во источниот дел на Украина. Про-руски ориентираните “граѓани“ зазедоа неколку објекти во источните градови на земјата и поставија одбрамбени барикади. Украинската влада одговори со пуштање на специјалните сили во битка за расчистување на проблемите. Има и жртви. Се бара итен состанок на СБ. Русија и западот продолжуваат да се надмудруваат и обвинуваат додека состојбата оди од лошо кон полошо. Ваквиот развој на настаните е исклучително негативен за сите “риск“ класи. Веројатноста е голема да доколку состојбата не се смири видиме пад на сите берзи, пад на еврото можеби и фунтата, зголемена побарувачка на обврзници на најголемите и најразвиени земји и секако раст на цената на златото. Но доколку состојбата се смири можен е пресврт. Во секој случај волатилноста ќе биде зголемена на сите пазари. Отука и зголемената можност на инвеститорите со навремени реакции да дојдат до некаков профит.
Дополнително како важни настани кои можат да извршат влијание на пазарите ќе ги споменеме следниве :
Понеделник во 14:30 минути објава на индексот на потрошувачка во САД
Вторник 03:30 објава на извештајот за монетарната политика во Авцталија, во 10:30 објава на стапката на инфлација во Англија и во 11 часот објава на индексот на економскиот оптимизам во Германија. Во 14:45 е закажан говор на претседателката на ФЕД Џ. Јелен
Среда 04:00 објава на кинескиот БНП ( се очекува намалување), 10:30 стапка на невработеност во Англија, 18:15 повторно говор на претседателката на ФЕД Џ. Јелен
Четврток 02:30 е говорот на гувернерот на ЦБ на Јапонија Курода, во 16 часот објава на индексот на производство пресметан од страна на филијалата на ФЕД од Филаделфија кој е многу важен индикатор за идните состојби во економијата на САД.
Доколку состојбите останат вакви како што ги опишавме веројатноста еврото да е губитник во периодот кој што следи е зголемена. Но предпазливоста е секогаш неопходна бидејки многу често бевме сведоци на неочекувани и брзи пресврти.
Драги повлече линија
