„Професијата како личен идентитет “ e насловот на конференцијата што денеска ќе се одржи во меѓународното училиште НОВА.
Настанот е во организација на Ротари клуб Скопје – Камен Мост, кој и понатаму продолжува со активностите за поддршка на младите талентирани луѓе, помагајќи им да ги остварат своите потенцијали.
Целта на конференцијата е цел да им помогне на средношколците при изборот на факултет.
На конференцијата ќе бидат одржани говори и дискусии на повеќе теми како архитектура и градежништво, бизнис и финансии, инженерство, медиуми и маркетинг, право, образование, истражување и наука. Најавено е обраќање на министерот за странски инвестиции Џери Наумоф.
Минатата година 139 средношколци од повеќе од 14 училишта го посетија настанот кои го оценија како успешен и многу корисен.
