Авио-компанијата „Etihad Airways“ има во план да инвестира во италијанската групација „Alitalia“, која е во големи финансиски проблеми, пренесоа новинските агенции, повикувајќи се на извор близок со преговарачите.
„Etihad Airways“ според овие информации би требало за сума од 350 милиони евра да обезбеди сопственост од 49 проценти од капиталотот на италијнскиот авио-превозник.
„Alitaliа“ минатата година беше спасена со докапитализација со 500 милиони евра на иницијатива на Владата, но најверојатно сега треба да си пронајде партнер за да може да опстане на пазарот.
Според изворот, како услов за инвестиција на „Etihad Airways“ во „Alitaliа“, компанијата од Абу Даби бара намалаување на 2000 работни места од вкупно 14.000 колку што ги имаат во моментов.
