Финансиската стабилност во изминатите шест месеци, главно е подобрена во развиените земји, а влошена е во земјите во развој, се наведува во последниот извештај на Меѓународниот монетарен фонд – ММФ за „Глобалната финансиска стабилност“.
„Со задоволство можам да кажам дека глобалната финансиска стабилност се подобрува. Меѓутоа, премногу е рано за прогласување на победа, бидејќи е потребно да се надминат и преостанатите предизвици за глобалната стабилност“, изјави официјалниот претставник на ММФ Хозе Виналс.
Според неговите зборови, американската економија е зајакната, економските политики на Европа се подобри, а сето тоа придонесе за поголема доверба на пазарот.
„Економијата на земјите во развој, кои поминаа низ неколку турбуленции, ја приспособуваат нивната политика во вистинска насока“, нагласи тој.
