Во организација на Здружението на бизнис жени и Бизнис конфедерацијата на Република Македонија денеска ќе се одржи конференција на тема „Женско претприемништво – промоција, лобирање и застапување”.
Конференцијата ќе опфати повеќе апсекти, перцепција и фактичка состојба на женското претприемништво, начините за негово зајакнување, влијанијата врз економијата, лобирањето, изготвувањето политики, промоцијата, социјалното претприемништво.
Конфедерацијата се организира со поддршка на Холандската програма за соработка со работодавачите. Освен членови на Здружението на бизнис жени и Бизнис конфедерацијата, ќе учествуваат и претставници од министерствата за економија и за труд и социјална политика, како и жени менаџерки на сопствени фирми кои ќе споделат практики и искуства.