Кинескиот извоз неочекувано се намалил минатиот месец, со што се зголемува опасноста од затворање на работни места во момент кога Пекинг се обидува да преземе мерки против забавеното темпо на својата економија.
Трговските податоци покажуваат дека извозот забележал пад од 6,6 отсто во споредба со март минатата година.
Во исто време, увозот се намалил за 11,3 проценти, што е сигнал дека кинеската економија може дополнително да успори.
